บทที่ บทที่ 14 · 單拆單單嫖明受侮 合上合合賭暗通謀
按：張小村、趙樸齋同行，至寶善街悅來客棧門首。樸齋道：「我去一埭就來，耐等
一歇。」小村笑而諾之，獨自回棧。棧使開房點燈沖茶，小村自去鋪設煙盤過癮，吸不到
兩口煙，趙樸齋竟回來了。小村詫異得很，問其如何。樸齋嘆口氣道：「覅說起！」便將
陸秀寶要打戒指一切情節仔細告訴小村，並說：「我故歇去，就來裏棋盤街浪望仔一望，
望到俚房間裏來？擺酒、豁拳、唱曲子，鬧熱得勢。想來就是姓施個客人。」小村笑道：
「我看起來還有道理。耐想，今朝一日天就有客人，阿是客人等好來？？無撥實概湊巧？
！耐去上仔俚？當水哉！姓施個客人末總也是上當水。耐想阿對？」
樸齋恍然大悟，從頭想起，越想越像，悔恨不迭。小村道：「難也覅去說俚哉。以後
耐覅去仔末纔是哉。我也正要搭耐說：我有一頭生意來？，就是十六鋪朝南大生米行裏，
我明朝就要搬得去。我去仔，耐一干子住來裏棧房裏，終究勿是道理。最好末耐原轉去，
托朋友尋起生意來再說。勿然就搬到耐？娘舅店裏去，倒也省仔點房飯錢。耐說阿是？」
樸齋尋思半晌，復嘆口氣道：「耐生意倒有哉，我用脫仔多花洋錢，一點點勿曾做啥。」
小村道：「耐要來裏上海尋生意，倒是難？。就等到一年半載，也說勿定尋得著尋勿著。
耐先要自家有主意，覅隔兩日用完仔洋錢，勿過去，撥來耐？娘舅說，阿是無啥意思？」
樸齋尋思這話卻也不差，乃問道：「耐？碰和，一場輸贏要幾花嗄？」小村道：「要
是牌勿好，輸起來，就二三百洋錢也無啥希奇？。」樸齋道：「耐輸仔阿撥俚？？」小村
道：「輸仔阿好勿撥嗄。」樸齋道：「陸裏來幾花洋錢去撥俚？」小村道：「耐勿曉得。
來裏上海場花，祇要名氣做得響末就好。耐看仔場面浪幾個人，好像闊天闊地，其實搭倪
也差勿多，不過名氣響仔點。要是無撥仔名氣，阿好做啥生意？？就算耐屋裏嚮該好幾花
家當來裏，也無用？！耐看吳松橋，阿是個光身體？俚稍微有點名氣末，二三千洋錢手裏
豁出豁進，無啥要緊。我是比勿得俚，價末要有啥用場，匯劃莊浪去，四五百洋錢也拿仔
就是。耐陸裏曉得嗄！」樸齋道：「莊浪會拿仔末，原要還個？。」小村道：「故末也要
自家算計哉？。生意裏借轉點，碰著法有啥進益，補湊補湊末還脫哉。」樸齋聽他說來有
理，仍是尋思不語。須臾各睡。
次早十九日，樸齋醒來，見小村打疊起行李，叫棧使喊小車。樸齋忙起身相送，送至
大門外，再三囑託：「有啥生意，搭我吹噓吹噓。」小村滿口應承。
樸齋看小村押著小車去遠，方回棧內。喫過中飯，正要去閑游散問，祇見聚秀堂的外
場手持陸秀寶名片來請。樸齋賭氣，把昨夜頭一個局錢給他帶回，外場那裏敢接。樸齋隨
手撩下，望外便走。外場祇得收起，趕上樸齋，說些好話。樸齋祇做不聽見，自去四馬路
花雨樓頂上泡一碗茶，喫過四五開，也覺沒甚意思，心想陸秀寶如此無情，倒不如原和王
阿二混混，未始不妙。當下出花雨樓，朝南過打狗橋，徑往法界新街盡頭，從明王阿二門
口，直上樓去，房間裏不見一人。
正在躊躇想要退下，不料一回身，王阿二捏手捏腳跟在後面，已到樓門口了。喜的樸
齋故意彎腰一瞧，道：「咦！耐阿是要來嚇我？」王阿二站定，拍掌大笑道：「我來？間
壁郭孝婆搭，看見耐低倒仔頭祇管走，我就曉得耐到倪搭來，跟來耐背後。看耐到仔房間
裏，東張張，西張張，我末來裏好笑，要突出來哉呀！」樸齋也笑道：「我想勿到耐就來
裏我背後，倒一嚇。」王阿二道：「阿是耐勿看見？眼睛大得來！」
說話時，那老娘姨送上煙茶二事，見了樸齋笑道：「趙先生，恭喜耐哉？！」樸齋愕
然道：「我有啥喜嗄？」王阿二接嘴道：「耐算瞞倪阿是？勿可帳倪倒纔曉得個哉。」樸
齋道：「耐曉得啥？？」王阿二不答，卻轉臉向老娘姨道：「耐聽俚，阿要惹人氣！倒好
像是倪要喫醋，瞞仔倪。」老娘姨呵呵笑道：「趙先生，耐說末哉。倪搭勿比得堂子裏，
耐就去開仔十個寶也勿關倪啥事，阿怕倪二小姐搭俚？去喫醋？倪倒有幾幾花花醋？，也
喫勿得陸裏搭好？！」
樸齋聽說，方解其意，笑道：「耐？說陸秀寶，我祇道仔耐？說我有仔啥生意了恭喜
我。」王阿二道：「耐有生意無生意，倪陸裏曉得嗄。」樸齋道：「價末陸秀寶搭開寶，
耐倒曉得哉。故是張先生來搭耐？說個？。」老娘姨道：「張先生就搭耐來仔一埭，以後
勿曾來歇。」王阿二道：「張先生是勿來哉。我搭耐說仔罷，倪搭用好包打聽來裏，阿有
啥勿曉得？」樸齋道：「價末昨日夜頭是啥人住來？陸秀寶搭，耐阿曉得？」王阿二努起
嘴來道：「哪，是祇狗哉？。」被樸齋一口啐道：「我要是住來？末，也勿來問耐哉？！
」王阿二冷笑道：「覅塔我瞎說哉！開寶客人住仔一夜天，就勿去哉，耐騙啥人嗄！」樸
齋嘆口氣，也冷笑道：「耐？包打聽阿是個聾甏？教俚去喊個剃頭司務拿耳朵來作作清爽
，再去做包打聽末哉。」王阿二聽說，知道是真情了，忙即問道：「阿是耐昨日夜頭勿來
？陸秀寶搭？」樸齋遂將陸秀寶如何倡議，如何受欺，如何變卦，如何絕交，前後大概略
述一遍。
那老娘姨插口說道：「趙先生，也要算耐有主意？，倒撥來耐看穿哉。耐阿曉得，倌
人開寶是俚？堂子裏口談？，陸裏有真個嗄，差勿多要三四轉五六轉？。耐末豁脫仔洋錢
，再去上俚？當水，啥犯著嗄？」王阿二道：「早曉得耐要去上俚？當水末，倪倒勿如也
說是清倌人，祇怕比仔陸秀寶要像點？。」樸齋嘻嘻的笑道：「耐前門是勿像哉，我來搭
耐開扇後門走走，便當點阿好？」王阿二也不禁笑道：「耐個人啊，撥兩記耳光耐喫喫末
好！」老娘姨隨後說道：「趙先生，耐也自家勿好。耐要聽仔張先生閑話，就來裏倪搭走
走，勿到別場花去末，倒也勿去上俚？當水哉。像倪搭阿有啥當水來撥耐上嗄？」樸齋道
：「別場花是我也無撥，陸秀寶搭勿去仔，就不過該搭來走走。前幾日我心裏要想來，為
仔張先生，倘忙碰著仔，好像有點難為情。難是張先生搬得去哉，也覅緊哉。」
王阿二忙即問道：「阿是張先生尋著仔生意哉？」樸齋遂又將張小村現住十六鋪朝南
大生米行裏的話，備述一遍。那老娘姨又插口說道：「趙先生，耐忒啥膽小哉。覅說啥張
先生倪搭勿來，就算俚來仔碰著耐來裏，也無啥要緊？。有辰光倪搭客人合好仔三四個朋
友一淘來，纔是朋友，纔是客人，俚？也算鬧熱點好白相；耐看見仔要難為情殺哉！」王
阿二道：「耐末真真是個鏟頭！張先生
就是要打耐末，耐也打得過俚？，怕俚啥嗄？要說是難為情，倪生意祇好覅做哉。」
樸齋自覺慚愧，向榻床躺下，把王阿二裝好的一口煙，拿過槍來，湊上燈去要吸，吸
的不得法，焰騰騰燒起來了。王阿二在傍看著好笑。忽聽得間壁郭孝婆高聲叫：「二小姐
。」王阿二慌的令老娘姨去看：「阿有啥人來？？」老娘姨趕緊下樓。樸齋倒不在意，王
阿二卻抬頭側耳細細的去聽。祇聽得老娘姨即在自己門前和人說話，說了半晌，不中用，
復叫道：「二小姐，耐下來？。」恨得王阿二咬咬牙，悄地咒罵兩句，祇得丟了樸齋，往
下飛奔。
樸齋那口煙原沒有吸到底，也就坐起來聽是甚麼事。祇聽得王阿二走至半樓梯，先笑
叫道：「長大爺，我道是啥人！」接著咕咕唧唧更不知說些甚話，聽不清楚。祇聽得老娘
姨隨後發急叫道：「徐大爺，我搭耐說唱」這一句還沒有說完，不料樓梯上一陣腳聲。早
闖進兩個長大漢子。一個尚是冷笑面孔，一個竟揎拳攘臂，雄糾糾的據坐榻床，搭起煙槍
，把煙盤亂搠，祇嚷道：「拿煙來！」王阿二忙上前陪笑道：「娘姨來？拿來哉。徐大爺
覅動氣。」
樸齋見來意不善，雖是氣不伏，卻是惹不得，便打鬧裏一溜煙走了，王阿二連送也不
敢送。可巧老娘姨拿煙回來，在街相遇，一把拉住囑咐道：「日裏向人多，耐夜頭一點鐘
再來，倪等來裏。」樸齋點頭會意。
那時太陽漸漸下山。樸齋並不到棧，胡亂在飯館裏喫了一頓飯，又去書場裏聽了一回
書，捱過十二點鐘，仍往王阿二家，果然暢情快意，一度春宵。
明日午前回歸棧房，棧使迎訴道：「昨夜有個娘姨來尋仔耐好幾埭？。」樸齋知道是
聚秀堂的楊家？，立意不睬。惟恐今日再來糾纏，索性躲避為妙。一至飯後，連忙出門，
惘惘然不知所往。初從石路向北出大馬路，既而進拋球場，兜了一個圈子，心下打算：畢
竟到那裏去消遣消遣？忽想起吳松橋等碰和一局，且去孫素蘭家問問何妨。因轉彎過四馬
路，徑往兆貴裏孫素蘭家，祇向客堂裏問：「吳大少爺阿來裏？」外場回說：「勿曾來。
」樸齋轉身要走，適為娘姨金姐所見。因是前日一淘碰和的，乃明白告道：「阿是問吳大
少爺？俚？來裏尚仁里楊媛媛搭碰和，耐去尋末哉。」
樸齋聽了出來，遂由兆貴里對過同慶里進去，便自直通尚仁里。當並尋著了楊媛媛的
條子，欣然摳衣踵門，望見左邊廂房裏一桌碰和，迎面坐的正是張小村。樸齋隔窗招呼，
踅進房裏。張小村及吳松橋免不得寒暄兩句，李鶴汀祇說聲「請坐」，周少和竟不理。趙
樸齋站在吳松橋背後，靜看一回，自覺沒趣，訕訕告辭而去。
李鶴汀乃問吳松橋道：「俚阿做啥生意？」松橋道：「俚也出來白相相，無啥生意。
」張小村道：「俚要尋點生意，耐阿有啥路道？」吳松橋嗤的笑道：「俚要做生意！耐看
陸裏一樣生意末俚會做嗄？」大家一笑丟開。
比及碰完八圈，核算籌碼，李鶴汀仍輸百元之數。楊媛媛道：「耐倒會輸？，我勿曾
聽見耐贏歇？。」吳松橋道：「碰和就輸煞也覅緊，祇要牌九莊浪四五條統喫下來末，好
哉？。」周少和道：「喫花酒無啥趣勢，倒勿如尤如意搭去翻翻本看。」李鶴汀微笑道：
「尤如意搭，明朝去末哉。」張小村問道：「啥人請耐喫酒？」李鶴汀道：「就是黎篆鴻
，勿然啥人高興去喫花酒。俚也勿請哈人，單是我搭四家叔兩家頭。要拆仔俚冷臺，故是
跳得來好白相煞哉。」吳松橋道：「老老頭倒高興？。」李鶴汀正色道：「我說倒也是俚
本事。耐想？，俚屋裏末幾花姨太太，外頭末堂子裏倌人，還有人家人，一榻括仔算起來
，差勿多幾百？！」周少和道：「到底阿有幾花現銀子？」李鶴汀道：「啥人去搭俚算嗄
，連搭俚自家也有點模糊哉。要做起生意來，故末叫熱昏搭仔邪，幾千萬做去看，阿有啥
陶成！」大家聽了，搖頭吐舌，讚嘆一番，也就陸續散去。
李鶴汀隨意躺在榻床上，伸了個懶腰，打了個呵欠。楊媛媛問：「阿要喫筒鴉片煙？
」鶴汀說：「覅喫。昨日鬧仔一夜天，今朝勿曾困醒，懶樸得勢。」媛媛道：「昨日去輸
仔幾花嗄？」鶴汀道：「昨日還算好，連配仔兩條就停哉，價末也輸千把？。」媛媛道：
「我勸耐少賭賭末哉。難為仔洋錢，還要糟塌身體。耐要想翻本，我想俚？人贏末倒拿仔
進去哉，輸仔勿見得再拿出來撥來耐哉？。」鶴汀笑道：「故是耐瞎說。先拿洋錢去買得
來籌碼，有籌碼末總有洋錢來？，阿有啥拿勿出？就怕翻本翻勿轉，莊浪風頭轉仔點，俚
？倒勿打哉，贏勿動俚，無法仔。」媛媛道：「原是？。我說耐明朝要到尤如意搭去，算
好仔幾花輸贏，索性再賭一場，翻得轉末翻仔，翻勿轉就氣輸仔罷哉。」鶴汀道：「故末
勿差。倘然翻勿轉，我定規要戒賭哉。」媛媛道：「耐能夠戒脫仔勿賭，故是再好也勿有
。就是要賭末，耐自家也留心點，像實概幾萬輸下去，耐末倒也無啥要緊，別人聽見仔阿
要發極嗄？耐？四老爺要問起倪來為啥勿勸勸？，倪倒喫仔俚閑話，也祇好勿響？。」鶴
汀道：「故是無價事個，四老爺勿說我倒來說勿？」媛媛道：「故歇說閑話個人多，例說
勿定？。其實倪搭是耐自家高興賭仔兩場，閑人說起來，倒好像倪挑仔幾花頭錢哉。倪堂
子裏勿是開啥賭場，也覅挑啥頭錢？。」鶴汀道：「啥人來說耐嗄，耐自家來？多心。」
媛媛道：「難耐到尤如意搭去賭末哉，故末有啥閑話，也勿關倪事。」
說話時，鶴汀已自目餳吻瀝，微笑不言，媛媛也就剪住了。當下鶴汀朦朧上來，竟自
睡去。媛媛知他欠困，並不聲喚，親自取一條絨毯替他悄地蓋上。鶴汀直睡至上燈以後，
娘姨盛姐搬夜飯進房，鶴汀聽得碗響即又驚醒。楊媛媛問鶴汀道：「耐阿要先喫仔口，再
去喫酒？」鶴汀一想，說道：「喫是倒喫勿落，點點也無啥。」盛姐道：「無撥啥小菜？
，我去教俚？添兩樣。」鶴汀搖手道：「覅去添，耐搭我盛一口口乾飯好哉。」媛媛道：
「俚乃喜歡糟蛋，耐去開仔個糟蛋罷。」盛姐答應，立刻齊備。
鶴汀和媛媛同桌喫畢，恰值管家匡二從客棧裏來，見鶴汀稟說：「四老爺喫酒去哉，
教大少爺也早點去。」媛媛道：「等俚？請客票頭來仔了去，正好？。」鶴汀道：「早點
去喫仔，早點轉去困覺哉。」媛媛道：「耐身向裏有點勿舒齊末，原到倪搭來，比仔棧房
裏也適意點？。」鶴汀道：「兩日勿曾轉去，四老爺好像有點勿放心，轉去個好。」媛媛
也無別語。李鶴汀乃叫匡二跟著，從楊媛媛家出門赴席。
第十四回終。
第15回 屠明珠出局公和里 李實夫開